|
دەستەی پارێزەرانی رێکخراوی wola بەشدارن لە دەربڕینی نارەزایی.
بەهۆی دواخستنی ئەنجامدانی کۆنگرە و هەڵبژاردن لە سەندیکای پارێزەرانی کوردستان ، پارێزەرانی رێکخراو بە هاوبەشی لەگەڵ بەشێک لە پارێزەرانی کوردستان لە بەردەم سەندیکای پارێزەرانی کوردستان لە پارێزگای هەولێر کۆبوونەوەیەکی نارەزاییان ئەنجامدا و ئەوەیان پشتراستکردەوە کە ئەوە کارێکی نایاساییە و یاسای پارێزەرایەتی رێگەی بەو جۆرە کارەنەداەوە و بەڵکو بە هۆی بوونی دەستی حزبەوە ئەو ماوەیە بەشێوەیەکی نایاسایی درێژکراوەتەوە ، و لە هەمان کاتدابەیاننامەیەک خوێندرایەوە بۆ کەناڵەکانی راگەیاندن کە جەختی لە 2 خاڵی سەرەکی کردەوە ئەوانیش:
1-بەزوترین کات هەڵبژاردنی نێردەی پارێزەران و کۆنگرە ببەسترێت.
2-گێرانەوەی گشت مووچەو دەرماڵە و ئیمتیازاتی سەرۆک و ئەندامانی ئەنجوومەن و سەرۆکی لقەکان کە لەماوەی نایاسایی وەریان گرتووەبۆ ێندوقی سەندیکای پارێزەران.
|