بەرواری 21/6/2021 لە ساڵیادی دەرچوونی یاسای بەرەنگاربونەوەی توندووتیژی خێزانی لە هەرێمی کوردستان ،بە ئامادەبوونی بەشێک لە لایەنە پەیوەندیدارەکان و رێکخراوەکانی کۆمەڵگای مەدەنی و پارێزەران و دەزگاکانی راگەیاندن ،رێکخراوی هاریکاری یاسایی ژنان،تازەترین راپۆرتی خۆی لە ژێر ناونیشانی (چاودێری جێبەجێکردنی یاسای بەرنگاربوونەوەی توندوتیژی خێزانی) بۆ رای گشتی و دەزگاکانی راگەیاندن خستەروو خستەروو.

راپۆرتەکە تیشک دەخاتە سەر ئەو کێشەو رێگرییانەی کە هەن لە بەردەم جێبەجێکردنی یاساکە ، هەروەها ئامار و راپرسی  تایبەت بە یاساکە و کێشە خێزانیەکان لە هەرێمی کوردستان دەخاتەروو.

لەسەرەتای کۆبوونەوەکەدا کۆنگرەیەکی رۆژنامەوانی بۆ دەزگاکانی راگەیاندن ئەنجامدرا کە تیایدا گرفتەکانی بەردەم جێبەجێکردنی یاساکە و ئامار و راپرسی تایبەت بە یاساکە خرانەروو،

دواتر بە گفتووگۆیەکی کراوە بەشداربووان  بۆچوون و رای خۆیان لەسەر  راپۆرتەکە  خستەروو،وە بە پێشنیارەکانیان راپۆرتەکەیان دەوڵەمەندتر کرد.

ئەمەش یەکێکە لەو چالاکیانەی کە ساڵانە رێکخراو بە هاوکاری رێکخراوی  NED امریکی ئەنجامی دەدات.

بەناوی رێکخراوی هاریکاری یاسایی ژنانە و سوپاس و پێزانینمان بوسەرجەم ئەو لایەن و رێکخراوو کەسایەتیانەی کە لەگەڵمان بەشداربوون.