هەواڵ و چالاکی
کۆبوونەوەی بریاردەری نەتەوە یەکگرتووەکان لەگەل رێکخراوەکانی کۆمەڵی مەدەنی

بەمەبەستی ئاگادار بوون لە رەوشی مافی مرۆڤ بەگشتی و ئاگاداربوون لە کەیسەکانی لە سێدارەدان لە دەرەوەی دادگا، رۆژی شەممە ١٨/نۆڤەمبەر،  (ئاجینس كالا مارد) بڕیاردەری‌ تایبەتی‌ نەتەوە یەكگرتووەكان لەگەڵ رێکخراوی هاریکاری یاسایی ژنان و چەند رێکخراوێکی تری کۆمەڵی مەدەنی لەشاری هەولێر کۆبوویەوە.

لە کۆبوونەوەکە تیشک خرایە سەر ئەو کەیسانە  لەدەرەوەی دادگا لە سێدارە دەدرێن وەکو کەیسەکانی رۆژنامەنووسان و ژنان و زیندانیانی بێ سەروشوێن.

رێکخراوی WOLA باسی لە زۆریک لەو کەیسانەی ژنان کرد کە لەدەرەوەی دادگا بەبیانووی شەرەف دەکوژرێن و بکوژەکانیش بەبیانووی جۆراوجۆر سزای تاوانەکانیان وەرناگرن.

خاتوو  (ئاجینس كالا مارد)  بەمەستی  ئەنجامدانی چەند دیدارێک لەگەڵ بەرپرسانی باڵای عێراق و هەرێمی كوردستان سەبارەت بە كەیسەكانی سزا لە دەرەوەی دادگا هاتۆتە کوردستان و بەنیازە  ئەنجامی ئەو سەردانەی بۆ هەرێمی کوردستان وعێراق لە داهاتوویەکی نزیکدا بەراپۆرتێک بلاو بکاتەوە.

هەروەها رێکخراوی Wola  چەند راسپاردەیەکی ئاراستەی خاتوو  (ئاجینس كالا مارد)  کرد تا  بیگەیەنێتە کاربەدەستانی حکومەتی عێراق و هەرێمی کوردستان بۆ باشتر کردنی رەوشی مافی مرۆڤ بە گشتی و مافی ژن بەتایبەت.

68 جار خوێندراوه‌ته‌وه‌
11/19/2017 11:11:54 AM
Copyright. All Rights Reserved.
Top